دل بعض و حسد سے رنجور نہ کر
یہ نور خدا ہے اس سے بے نور نہ کر
وینزویلا کی اپوزیشن لیڈر ماریا ماچاڈو کو حکومت کی حالیہ تبدیلی(امریکی غنڈہ گردی) سے قبل اس کی ساکھ کو بہتر بنانے کے لیے امن کا نوبل انعام دیا گیا، اسرائیل نے غزہ ہیومینٹیرین فاؤنڈیشن کا استعمال کیا، جو بظاہر امداد کی تقسیم کے لیے بنائی گئی تھی لیکن مقصد درحقیقت، غزہ میں فسلطینیوں کی نسل کشی کو تیز کرنے کے لیے قتل گاہیں قائم کرنا تھا۔ جارجیا میں غیر ملکی امداد سے چلنے والی انسانی حقوق کی این جی اوز روسی اثر و رسوخ کو کم کرنے میں سب سے آگے ہیں، جب کہ اسی طرح ایران میں این جی اوز، CIA اور موساد کے محاذ کے طور پر کام کر رہی ہیں یعنی ایران کو غیر مستحکم کرنے کی کوشش میں بدامنی، تشدد اور ٹارگٹ کلنگ کو ہوا دے رہی ہیں ایران کے موجودہ حالات اس کی مثال آپ ہیں۔ ایک اور مثال کہ جیسے پاکستان میں پولیو ٹیموں نے اسامہ بن لادن کو تلاش کرنے کے لیے سی آئی اے کے جاسوس کے طور پر کام کیا۔