دل بعض و حسد سے رنجور نہ کر
یہ نور خدا ہے اس سے بے نور نہ کر
(راولاکوٹ۔ آصف اشرف) جموں کشمیر لیبریشن فرنٹ کے چیئرمین صغیر خان کا بلاول زرداری مریم نواز سمیت پاکستانی لیڈر شپ کی کشمیر الیکشن آمد پر سخت گیر مظاہروں کا اعلان قانون ساز اسمبلی کو آئین ساز اسمبلی میں بدلنے مظفرآباد کی طرف لانگ مارچ کرنے اور قانون ساز اسمبلی کے باہر دھرنا دینے کا فیصلہ چوکوں چوراہوں میں الحاق کرے جو بے غیرت کا نعرہ لگا کر بند کمروں میں الحاق پاکستان کی شق پر حلف اٹھا کر الیکشن لڑنے والے قوم پرست اور ترقی پسند سوشلسٹ دھڑوں کو تحریک دشمن اور سودے باز قرار دے دیا راولاکوٹ میں معاہدہ کراچی اور ایکٹ 1974 کے خلاف لبریشن فرنٹ کے احتجاجی مظاہرہ،سے خطاب کرتے صغیر خان نے قوم سے انتخابی عمل سے لاتعلقی کا مطالبہ کرتے کہا،کہ معاہدہ کراچی اور ایکٹ 1974 کے خاتمے کے بغیر حق ملکیت اور حق حکمرانی کا سراب صرف دھوکا ہے اس سے قبل جموں کشمیر لبریشن فرنٹ اور جموں کشمیر سٹوڈنٹس لبریشن فرنٹ کے زیر اہتمام کیپٹن حسین خان شہید پوسٹ گریجویٹ کالج گراؤنڈ سے ایک بڑی ریلی نکالی گئی، جو شہر کے مختلف راستوں سے گذرتی ہوئی کچہری چوک پہنچی جہاں یہ جلسہ کی صورت اختیار کر گئی۔ مظاہرے کے شرکاء نے ہاتھوں میں جھنڈے کتبے اور بینرز اٹھا رکھے تھے اور مختلف نعرے بازی کے ذریعے اپنے مطالبات پیش کیے۔ جلسے سے خطاب کرتے ہوئے صغیر خان ایڈووکیٹ نے کہا کہ جب تک ایکٹ 1974 اور معاہدہ کراچی جیسے معاہدے موجود ہیں، شفاف اور حقیقی انتخابات کا انعقاد ممکن نہیں۔ انہوں نے مطالبہ کیا کہ ایکٹ 1974 اور معاہدہ کراچی کو فوری طور پر منسوخ کیا جائے اور ریاستی عوام کو مکمل سیاسی آزادی، حق حکمرانی اور اپنے وسائل پر مکمل اختیار دیا جائے۔