دل بعض و حسد سے رنجور نہ کر
یہ نور خدا ہے اس سے بے نور نہ کر
(راولپنڈی ۔نامہ نگار)ممتاز نوجوان کشمیری رہنماء ڈاکٹر مزمل ایوب ٹھاکر نےنوجوانوں سے اپیل کی کہ وہ سوشل میڈیا کا بھرپور استعمال کرتے ہوئے بھارتی مظالم کو دنیا کے سامنے لائیں اور مسئلہ کشمیر کے حوالے سے عالمی رہنماؤں تک اپنا پیغام پہنچائیں، ان خیالات کا اظہار انہوں نے جموں و کشمیر لبریشن سیل (نیشنل کوارڈینیشن ونگ) کے زیر اہتمام ای۔ لائبریری راولپنڈی میں ایک خصوصی لیکچر سے بحثیت مہمان خصوصی خطاب کرتے ہوئے کیا، جس میں راولپنڈی اسلام آباد کی جامعات کی طلباء و طالبات کی کثیر تعداد نے شرکت کی۔ اس موقع پر آل پارٹیز حریت کانفرنس کے سنئیر رہنماء زاہد صفی،ڈائریکٹر راجہ خان افسر خان، حاجی سردار محمد صدیق، سردار ماجد شریف، نجیب الغفور خان، سردار ریاض، ارسلان احمد، ملک طاہر اعوان،سید ضمیر الحسن نقوی اور دیگر موجود تھے ۔ خصوصی لیکچر کی نظامت کے فرائض سردار نجیب الغفور خان نے ادا کئے۔