دل بعض و حسد سے رنجور نہ کر
یہ نور خدا ہے اس سے بے نور نہ کر
کشمیری عالمی سطح پر تسلیم شدہ اپنے حق خود ارادیت کے حصول تک اپنی جدوجہد جاری رکھیں گے۔ اقوام متحدہ کی قرارداد پر عملدرآمد میں بھارت کامنفی رویہ اور ہٹ دھرمی رکاوٹ ہے۔ ان خیالات کا اظہار آل پارٹیز حریت کانفرنس آزاد جموں و کشمیر و پاکستان شاخ کے کنوینر غلام محمد صفی نے جموں و کشمیر لبریشن سیل (نیشنل کوارڈینیشن ونگ) کے زیر اہتمام ای۔ لائبریری راولپنڈی میں ایک خصوصی لیکچر سے خطاب کرتے ہوئے کیا، جس میں راولپنڈی اسلام آباد کی جامعات کی طلباء و طالبات کی کثیر تعداد نے شرکت کی۔ اس موقع پر سنئیر حریت رہنماء زاہد صفی، ڈائریکٹر راجہ خان افسر خان، سردار ساجد محمود، انچارج ای۔ لائبریری حکومت پنجاب ملک طاہر اعوان، ملک آصف اعوان، قاری صبغت اللّٰہ قادری ، قاری سمیع اللہ قادری اور دیگر موجود تھے ۔ خصوصی لیکچر کی نظامت کے فرائض انچارج میڈیا نجیب الغفور خان نے ادا کئے۔