دل بعض و حسد سے رنجور نہ کر
یہ نور خدا ہے اس سے بے نور نہ کر
تاریخ کے کچھ لمحات ایسے ہوتے ہیں جب اقوام کے پاس اپنی تقدیر بدلنے کا نایاب موقع ہوتا ہے۔ وہ مواقع یا تو دور اندیشی سے فائدہ اٹھا کر خوشحالی اور استحکام کا ذریعہ بنتے ہیں، یا پھر کوتاہ بینی سے ضائع ہو کر نئی نسلوں کے لیے مسلسل مسائل کا باعث بنتے ہیں۔ آج پاکستان ایک ایسے ہی سنہری موقع کے دہانے پر کھڑا ہے۔ ہمیں ماضی کی غلطیوں سے سبق سیکھ کر مستقبل کو بہتر بنانے کی تدبیر کرنی چاہیے۔ انڈیا کے خلاف جنگ میں جیت سے ہمیں ایک بلینک چیک ملا ہے، ہم اسے دیوار پر لٹکا دیں یا پھر اسے کیش میں بدل لیں، یہ ہمارے ہاتھ میں ہے۔ اس پر کتنی رقم لکھیں، یہ بھی ابھی ہمارے ہاتھ میں ہے۔ لیکن اس بلینک چیک کی تفصیلات ہمیں فوری طور پر بھرنی ہیں۔