دل بعض و حسد سے رنجور نہ کر
یہ نور خدا ہے اس سے بے نور نہ کر
پی ٹی آئی کے سربراہ عمران خان نے نوجوان نسل کو اپنی ہی فوج کے خلاف گمراہ کیا، نوجوان اور معصوم دماغوں میں یہ بٹھایا گیا کہ ہماری فوج اور ہمارا ایٹم بم بھی کسی کام کا نہیں۔عمران خان نے نوجوانوں کی منفی ذہن سازی کرنے کے لیے ففتھ جنریشن وار کے نام پر سوشل میڈیا کا بھرپور استعمال کیا، جس کے ذریعے پارٹی قیادت اور کارکنان نے ریاستی اداروں، خصوصاً فوج، پر کھلی اور حد درجہ تنقید کی۔ نوجوانوں کو بتایا گیا کہ فوج ہی اصل مسائل کی وجہ ہے۔پہلگام واقع کے بعد جب بھارت نے پاکستان پر جارحیت کی،اس دوران بھی عمران خان کی بہنوں سمیت پی ٹی آئی کارکنان پاک فوج کے خلاف مہم جوئی میں مصروف تھے اور بھارت کی زبان بول رہے تھے بحرحال یہ تنقید اور مخالفت اس وقت شدت اختیار کر گئی تھی جب عمران خان کی حکومت کو 2022 میں عدم اعتماد کے ذریعے ہٹایا گیا، جس کے بعد عمران خان نے فوج پر سیاسی مداخلت کے الزامات عائد کیے۔