دل بعض و حسد سے رنجور نہ کر
یہ نور خدا ہے اس سے بے نور نہ کر
(ڈاکٹر راجہ محمد سجاد خان، ڈائریکٹر کشمیر پالیسی ریسرچ انسٹیٹیوٹ)مقبوضہ جموں و کشمیر کے سیاحتی مقام پہلگام میں 22 اپریل کو سیاحوں پر فائرنگ سے 26 افراد ہلاک ہوئے اور بیسیوں زخمی ہوئے۔ یہ واقعہ ایسے علاقہ میں ہوا جو سیز فائر لائن سے تقریباً 120 کلومیٹر دور ہونے کے ساتھ ساتھ ہندوستان کی قابض افواج کے مکمل حصار میں بھی ہے۔ پہلگام میں ہی سنٹرل ریزرور پولیس کی یونٹ اور پولیس اسٹیشن موجود ہے اور اس مقام تک پنچنے کے لیے کم ازکم 09 چیک پوسٹیں موجود ہیں۔ یہ حملہ ایسے وقت میں ہوا جب امریکہ کے نائب صدر ہندوستان کے دورہ پر ہیں بالکل اسی طرح جیسے امریکی صدر کے 2000 میں دورہ کے دوران ہندوستان کی افواج نے چھتی سنگھ پورہ میں معصوم سکھوں کا قتل عام کر کے اس کا الزام پاکستان پر لگایا تھا۔ اگر پہلگام واقعہ کے فوری بعد کی صورتحال دیکھیں تو یہ عینی شاہدین کے مطابق یہ واقعہ تقریباً 30 منٹ جاری رہا اور اس واقعہ کے ایک گھنٹہ بعد تک پولیس موقع پر نہیں پنچی۔ لیکن فوری طور پر اس کا الزام پاکستان، کشمیریوں اور مسلمانوں پر لگا دیا گیا۔ کوئی شخص موقع سے گرفتار نہیں ہوا اور نہ ہی وہاں کوئی کیمرہ موجود تھا اس کے باوجود فوری طور پر فرضی تصاویر جاری کردی گئی۔ ہندوستانی میڈیا نے اس واقعہ کو ہندو مسلم تنازعہ، ہندووں پر کشمیریوں کا ظلم اور پاکستان کے ملوث ہونے کا راگ بدوں کسی ثبوت الاپنا شروع کر دیا۔ پاکستان نے کشمیریوں نے نہ صرف اس واقعہ کی مذمت کی بلکہ اس میں ملوث ہونے کے الزمات کا ثبوت بھی مانگاجو ہندوستان پیش نہیں کر سکا۔ ہندوستانی میڈیا کے روپورٹر کشمیر میں اس واقعہ کے اثرات پر سوال کرنے کے بجائے یہ سوال کرتے نظر آئے کہ پاکستان کے خلاف کیا کرنا چاہئے؟۔