دل بعض و حسد سے رنجور نہ کر
یہ نور خدا ہے اس سے بے نور نہ کر
سینیٹ کی قائمہ کمیٹی برائے پٹرولیم کے اجلاس میں سیکرٹری پٹرولیم نے انکشاف کیاہے کہ 14اپریل کے بعد ملک میں ایل این جی دستیاب نہیں ہو گی جبکہ ایل پی جی کے ذخائر بھی صرف ایک ہفتے کے بچے ہیں۔ پاکستان اپنی ضرورت کی 90فیصد سے زائد ایل این جی قطر سے حاصل کرتا ہے لیکن مشرقِ وسطیٰ میں بڑھتی ہوئی کشیدگی نے نہ صرف پٹرولیم مصنوعات بلکہ ایل این جی کی سپلائی کو بھی متاثر کیا ہے۔ اس قلت کے اثرات ملکی صنعتوں پر فوری اور براہِ راست ہوں گے۔ سب سے پہلے صنعتی شعبہ متاثر ہو گا‘ اور اگر گیس کی بلا تعطل فراہمی یقینی نہ بنائی گئی تو صنعتی پہیہ جام ہونے کا خطرہ بڑھ جائے گا۔ گیس کی قلت کا نتیجہ صرف صنعتی پیداواری میں کمی کی صورت میں نہیں نکلے گا بلکہ یہ برآمدات میں کمی اور بے روزگاری میں اضافے کا سبب بھی بن سکتی ہے۔