دل بعض و حسد سے رنجور نہ کر
یہ نور خدا ہے اس سے بے نور نہ کر
لاہور(نمائندہ خصوصی) قائداعظم کے پرائیویٹ سیکرٹری، ممتاز کشمیری رہنما،سابق صدر آزاد جموں و کشمیرکے ایچ خورشیدکی برسی کے موقع پرکشمیرسنٹرلاہور (جموں وکشمیرلبریشن سیل) کے زیراہتمام ایک پروقار دعائیہ تقریب کا انعقاد مسجدبھاگ علی شاہ میں کیا گیا۔ تقریب میں مختلف سیاسی، سماجی، علمی اور مذہبی حلقوں سے تعلق رکھنے والے افراد کے علاوہ نوجوانوں اور کشمیری کمیونٹی کی بڑی تعداد نے شرکت کی۔تقریب سے پاکستان پیپلز پارٹی کے سینئررہنما غلام عباس میر،معروف کشمیری رہنما فارو ق آزاد، مسلم لیگ ن لاہور ڈویژن کے نائب صدرچوہدری صدیق، سیکرٹری جنرل کشمیرویلفیئرایسوسی ایشن سردار شاکر، معرف مذہبی رہنما علامہ مشتاق قادری، رہنما محاذ رائے شماری آفتاب نازکی، معروف عالمی سیاح مقصود چغتائی، متعدد کتب کے مصنف ڈاکٹررب نواز اورانچارج کشمیرسنٹرلاہور انعام الحسن کاشمیری نے خطاب کیا۔