دل بعض و حسد سے رنجور نہ کر
یہ نور خدا ہے اس سے بے نور نہ کر
پاکستان کے بیرونی قرضوں کا حجم 138 ارب ڈالر کی خطرناک حد تک پہنچ گیا ہے جبکہ زیادہ تشویشناک امر یہ ہے کہ قرضوں پر سود کی ادائیگی میں‘ گزشتہ تین سال کے دوران 84 فیصد سے زائد اضافہ ہوا ہے۔ یہ صورتحال اس بات کی عکاسی کرتی ہے کہ قرضوں پر مبنی معیشت کا سدھار اب ناگزیر ہو چکا ہے۔ بیرونی قرضوں پر آٹھ فیصد تک شرح سے سود ادا کیا جا رہا اور سود کی ادائیگی کا حجم‘ جو تین سال قبل تک ایک ارب 91 کروڑ ڈالر تھا‘ اب بڑھ کر تین ارب 59 کروڑ ارب ڈالر تک پہنچ چکا ہے۔ گزشتہ مالی سال سود سمیت قرضوں کی واپسی کی مد میں 13 ارب 32 کروڑ ارب ڈالر ادا کئے گئے جس میں سے نو ارب 73 کروڑ ڈالر اصل قرض کی واپسی جبکہ ساڑھے تین ارب ڈالر سے زائد سود کی مد میں تھے۔