دل بعض و حسد سے رنجور نہ کر
یہ نور خدا ہے اس سے بے نور نہ کر
سلام آباد (نامہ نگار) نیشنل بک فاؤنڈیشن (NBF) اور کشمیر انسٹی ٹیوٹ آف انٹرنیشنل ریلیشنز (KIIR) کے زیر اہتمام محمد یوسف ملک کی نئی تحقیقی تصنیف ''Universal Declaration of Human Rights & Kashmir: A Tale of Unending Atrocities'' کی پروقار تقریبِ رونمائی کشمیر ہاؤس اسلام آباد میں منعقد ہوئی۔ تقریب میں سیاسی و، حریت رہنماؤں، وائس چانسلرز، ماہرینِ تعلیم، انسانی حقوق کے کارکنوں، سول سوسائٹی کے نمائندوں اور مختلف جامعات کے طلبہ کی کثیر تعداد نے شرکت کی۔ تقریب کی مہمانِ خصوصی وزیر برائے کشمیر کاز، آرٹس اینڈ لینگویجز محترمہ نبیلہ ایوب خان تھیں، جبکہ مہمانانِ گرامی میں سردار مسعود خان، ڈاکٹر کامران جہانگیر،،غلام محمد صفی،فرزانہ یعقوب، الطاف حسین وانی اور دیگر شامل تھے۔تقریب سے خطاب کرتے ہوئے سابق صدر سردار مسعود خان نے کہا کہ یہ کتاب محض ایک دستاویزی مجموعہ نہیں بلکہ عالمی اداروں کے دوہرے معیار کے خلاف ایک چارج شیٹ ہے۔ انہوں نے متنبہ کیا کہ دو ایٹمی طاقتوں کے درمیان کشمیر جیسا دیرینہ تنازع خطے کے امن کے لیے سنگین خطرہ ہے، اور محمد یوسف ملک نے نہایت عرق ریزی سے ثابت کیا ہے کہ بھارت کس طرح عالمی قوانین کی دھجیاں اڑا رہا ہے۔