پاک افغان اختلافات کا پیچیدہ تنازعات میں تبدیل ھونا دونوں اقوام کیلئے نىئ مشکلات اور آزمائشوں کے دروازے کھول سکتا ھےایک دوسرے کی سلامتی ، خود مختاری ،آزادی ،امن کا مکمل احترام اور بقاۓ باھمی کے اصول پر عملدرآمد ھی آگے بڑھنے کا راستہ ھے، ھمیں ایک دوسرے کی ضروریات ، مجبوریوں اور کمزوریوں کو اپنی طاقت بنانے کی بجاۓ ایک دوسرے کے مددگار کے طور پر آگے بڑھنا ھے ۔دونوں ممالک کو پاکستان کیخلاف بھارتی عزائم اور افغانستان کیخلاف امریکی عزائم کی تکمیل کیلئے استعمال نہ ھونے کی گارنٹی دینا ھوگی۔
پاکستان جنگ زدہ افغانستان کی آباد کاری اور تعمیر وترقی میں ھر ممکن تعاون کرتا رھا ھے اور اب بھی اس کیلئے ھمہ وقت تیار ھے ۔
افغانستان کو اپنی سرزمین سے پاکستان پر حملہ آور مسلح گروپوں کی کاروائیاں ھر حالت میں روکنی چاھئیں ، پاکستان میں طالبنائزیشن کی کوئ گنجائش نہیں ھے ، بم حملوں ،جبر ، تشدد اور قتل عام کے ذریعے اپنی مرضی کے نظام کو اسلام کا غلاف پہنا کر ھمارے یہاں مسلط نہیں کیا جاسکتا ، پاکستان کسی قوم کیخلاف کوئ مہم جوئ چاھتا ھے نہ اسکا حصہ بنے گا لیکن کسی مسلح گروہ کو پاکستان پر من مرضی کی جبری خود ساختہ شریعت مسلط نہیں کرنے دی جائیگی
اسی طرح افغانستان کا نظام حکومت وضع کرنا افغان قوم کا اندرونی مسئلہ ھے ، اسمیں ھمارا کوئ کردار نہیں ھونا چاھئیے ۔
پاک افغان جنگ خدانخواستہ فاصلوں کو دشمنی کی ناقابل عبور کھائیوں میں بدل دیگی جسکا فائدہ پاکستان اور افغانستان کو کمزور دیکھنے کی خواھش رکھنے والے لازماً اٹھائیں گے
عالمی سپر پاور امریکہ سے خوشگوار تعلقات کار رکھنا ھر ملک کی ضرورت ھے لیکن افغان قوم کو یہ گارنٹی دی جانی چاھئیے کہ کوئ طاقت پاکستان کی سرزمین افغانستان کے مفادات اور خود مختاری کیخلاف استعمال نہیں کر سکتی ، اسی طرح افغان قیادت پاکستان کیخلاف بھارتی عزائم کی تکمیل کا حصہ نہ بننے کی ضمانت دے
پاک افغان تعلقات کے اتار چڑھاؤ کی تاریخ بہت پرانی ھے ، قطر ملاقات کے بعد آپریشنل مذاکرات کی بجاۓ سیاسی مذاکرات کا کم از کم ایک دور مزید ھونا چاھئیے تھا ، آپریشنل مذاکرات سے پہلے فیصلہ سازوں کی براہ راست گفتگو کا کوئ راستہ نکل سکے تو بھی بہتری ھو سکتی ھے ۔۔
خطے کی ترقی ،خوشحالی ، امن اور استحکام کیلئے دونوں قومیں ماضی کی تلخیوں کو دفن کر کے آگے بڑھیں
واپس کریں