دل بعض و حسد سے رنجور نہ کر
یہ نور خدا ہے اس سے بے نور نہ کر
(راولپنڈی نامہ نگار) سیکرٹری جموں و کشمیر لبریشن سیل سید شاہد محی الدین قادری نے کہا ہے کہ مقبوضہ جموں و کشمیر میں جاری بھارتی مظالم کو عالمی سطح پر بے نقاب کرنے اور دشمن کے جھوٹے بیانیے کو شکست دینے کے لیے لبریشن سیل ایک نئی اور جامع حکمت عملی پر عمل پیرا ہے۔ ان خیالات کا اظہار انہوں نے کشمیر سنٹر راولپنڈی کے دورے کے دوران کیا۔ اس موقع پر ڈائریکٹر راجہ خان افسر خان نے انہیں ادارے کی کارکردگی پر تفصیلی بریفنگ دی جبکہ انچارج ڈیجیٹل میڈیا نجیب الغفور خان، اسسٹنٹ ڈائریکٹر راجہ راشد رضا اور دیگر بھی موجود تھے۔