دل بعض و حسد سے رنجور نہ کر
یہ نور خدا ہے اس سے بے نور نہ کر
( آصف اشرف ) جنگ نامنظور کے نعروں سے راولاکوٹ گونج اٹھا جموں کشمیر نیشنل عوامی پارٹی کے سیکرٹری جنرل عادل خان نیپ کے ڈپٹی چیف آرگنائزر زولفقار عارف اور نیشنل سٹوڈنٹس فیڈریشن کے سیکریٹری جنرل محسن عزیز کی قیادت میں نکلی جنگ نامنظور ریلی کے شرکاء ہم کیا چاہتے آزادی نامنظور نا منظور جنگ نامنظور کشمیریوں کا قتل عام نا منظور لاشیں نہیں آزادی دو کے نعرے لگائے جب مقبول بٹ شہید چوک پہنچے تو وہاں مظاہرہ سے خطاب کرتے مقررین نے کہا کہ کشمیری جنگ کے متحمل نہیں دونوں اطراف کشمیریوں کے لاشے گر رہے ہیں آج نیلم اور فاروڈ کہوٹہ سے لیکر بھارتی مقبوضہ پونچھ تک کشمیری لاشیں اٹھائے دنیا سے سوال کرتے ہیں کہ کیوں ہم کو آزادی دینے کے بجائے لاشیں تحفہ دی گئی ہم برملا کہتے ہیں کہ جنگ سامراج کی ضرورت ہوسکتی ہے پاک وہند کی عوام کا اس سے لگاؤ نہیں سرخ پرچم لیکر ہم میدان میں نکلے ہیں ہم کمزور بن کر امن کی بھیک نہیں مانگتے بلکہ اپنا حق آزادی مانگتے پاک و ہند سے ان کی غریب عوام کو جنگ کا ایندھن بننے روکنے کی مانگ بھی کرتے ہیں جنگ کشمیر کی سیز فائر لائن پر ہو یا پنجاب کی سرحدوں پپر ہم اس کو مسترد کرتے ہیں پاک وہند کے لوگ روٹی تعلیم اور علاج مانگتے ہیں اور کشمیری آزادی مانگتے ہیں غریبوں کی بھوک سے بنائے سرمائے کے زور پر جنگ نا قابل تلافی جرم ہے ہم لاشوں پر سیاست کرنے کے بجائے جنگ رکوانے اور آزادی لینے اپنی جدوجہد جاری رکھیں گے۔