دل بعض و حسد سے رنجور نہ کر
یہ نور خدا ہے اس سے بے نور نہ کر
(باغ۔ نامہ نگار) گورنمنٹ پائلٹ ہائی سکول باغ میں جموں و کشمیر لبریشن سیل اور محکمہ تعلیم آزاد کشمیر کے اشتراک سے "مقبوضہ کشمیر اور انسانی حقوق کے علمبردار" کے عنوان سے ایک ضلعی تقریری مقابلہ منعقد ہوا، جس کی صدارت پرنسپل گورنمنٹ پائلٹ ہائی سکول باغ سردار عبدالعزیز خان نے کی جبکہ مہمانِ خصوصی ڈائریکٹر جموں و کشمیر لبریشن سیل راجہ خان افسر خان تھے۔ تقریب میں ضلع باغ کی پانچوں تحصیلوں سے منتخب طلبہ نے شرکت کی اور تقاریر کے ذریعے مقبوضہ کشمیر میں انسانی حقوق کی سنگین خلاف ورزیوں، بھارتی مظالم اور کشمیری عوام کی لازوال قربانیوں کو مؤثر انداز میں اجاگر کیا۔